A´jeda gfreit´se dös is gwis , weil am Donnerstag Stammtisch is.

A jeds moi gibts wos guats zum Essn , d`Marille duat uns net vogessn.

Da Wolfgang duat uns nur bediena , beim kocha kann er nix verdiena.

Drum lass ma dös , a so wias is , dann kriang ma unsa Essn gwis.

Zeitig dann im Frühjahr scho , mit a`Fastn-Sulz gehts o.

Im Gartn dama dann gern sitzn, weil do dö Röckal blitzn, da wern ma olle nomme jung ,

doch d`Stoßstang is bei vui scho krumm.

Es geht dann ganz normal dahi , doch dann brauch ma Besonderheiten ,

des hoast ..dann an Biber zubereiten .

Da Öko mecht a`Lüngerl hom , da Rudi konn da net zuaschaua,

der mog an Pressack, aba saua.

Fürn Jackl glangt a Oabata - Bier, als großa Essa duat a se net entpuppn fürn Arthur glangt a`Weißbier-Suppn.

An Katzn - Karl dem glangt a`Bert - da Huoba moant , wer nix oarbat is a nix wert.

Beim Hosn - Raguu san olle staad , da Fiang Sepp moant beim 2. Teller , hät es sö boid nimma umdraht.

Wir dama a Kultur betreibn , dös kann da Walter a bezeign. Da Vogl Hans soagt : schnupfa und figga des duat s`Herz erwicka.

Beim blecka mecht a i mi net ausnemma  und moan da Xav is a scho kemma. S`Geld zähln war ja gar net

schlecht, eitz war vom Huaba no a Holbe recht. Und wenn ma a " Rote Brüder " unter uns ham , so dama uns ganz guat vatragn.

Da Öko soagt" i bin hoit z`dick" da Muina Sepp " oft her i nix". Hest net song solln sagt da  Xaver Geiger-

und so gehts a next `s Joahr weida.